Жорий йилнинг 26 октябрь куни Нукус шахрида Ўзбекистон Экологик партияси Қорақалпоғистон Республикаси партия аъзоларининг конференцияси бўлиб ўтди.

Конференцияга Қорақалпоғистон Республикаси шаҳар ва туманларидан партия томонидан тайинланган делегатлар, экология ва соғлиқни сақлаш муассасалари ходимлари, олий ва ўрта таълим бериш ўқув масканларининг профессор-ўқитувчилари, талаба-ёшлар ва оммавий ахборот воситалари вакиллари қатнашди.

Конференциянинг кун тартиби бўйича қуйидаги масалалар кўриб чиқилди:

• Ўзбекистон Экологик партияси II съездига делегатлар сайлаш хақида;
• Ўзбекистон Экологик партияси Қорақалпоғистон Республикаси партияси аъзолик Кенгашига Юқори кенгаш депутатлигига номзодларни кўрсатиш вакиллигини бериш хақида.

Конференцияни ташкиллаштиришда Бердақ номидаги Қорақалпоқ давлат университети Биолгия факультети декани б.ф.н Я.Аметов, доцент б.ф.н Г.Туремуратова, биология фанлари бўйича философия докторлари (PhD) М.Алламуратов, А.Кидирбаевалар, шунингдек, “Экология ва тупроқшунослик” кафедраси ассистентлари қатнашди.

Конференцияда 2019 йил 4-ноябрда Тошкент шаҳрида ўтказиладиган Ўзбекистон Экологик партиясининг II съездига 16 нафар делегат сайланди.

Конференция қатнашчилар айтилган масалалар бўйича ўзларининг фикр ва таклифларини билдирди.

Ф.Элмуратова,

Биология факультети 2-курс талабаси.