Usi jıldın’ 26-oktyabr ku’nı No’kis  qalasında O’zbekstan  Ekologiyalıq partiyası  Qaraqalpaqstan Respublikası partiya sho’lkeminin’ konferensiyası bolıp o’tti.

Konferensiyag’a Qaraqalpaqstan Respublikasınin’ barliq qala ha’m rayonlarınan  partiya ta’repinen saylang’an delegatlar, ekologiya ha’m den-sawlıqtı saqlaw mekemeleri xizmetkerleri, joqarı ha’m orta bilim beriw oqıw orınlarının’ professor -oqıtıwshıları, student-jasları ha’m g’alaba – xabar  quralları wa’killeri qatnastı.

Konferensiyanın’ ku’n ta’rtibi boyınsha to’mendegi ma’seleler  ko’rip shıg’ıldı:

–  O’zbekstan Ekologiyalıq partiyası Qaraqalpaqstan Respublikası partiya sho’lkeminin’ Xalıq deputatları Qaraqalpag’isqan   Respublikası  Ken’esi saylawında qatnasıwı haqqında:

– O’zbekistan Ekologiyalıq partiyası II sezdinde  delegatlar saylawı  haqqında;

– O’zbekistan ekologiyalıq partiyası Qaraqalpqag’istan Respublikası partiya sho’lkemi Ken’esine Joqarg’ı Ken’es deputatlıg’ına talabanlardı ko’rsetiw  wa’kiligin  beriw   haqqında.

 Konferentsiyanı sho’lkemlestiriwde     Berdaq atındag’ı Qaraqalpaq ma’mleketlik  universiteti Biologiya fakulteti dekanı b.i.d. Ya.Ametov, dotsent G.To’remuratova, biologiya ilimleri boyınsha filosofiya doktorları (PhD) M.Allamuratov, A.Kidirbaevalar, sonday aq, «Ekologiya h’a’m topıraqtanıw» kafedrası assistentleri  qatnastı.

Konferentsiyada  2019- jıl  4-noyabrde Tashkent qalasında o’tkeriletug’ın O’zbekistan Ekologiyalıq partiyasinın’  II sezdinde  16 adam quramında  delegatlar saylandı.

Konferensiya qatnasıwshıları aytılg’an ma’seleler boyınsha o’zlerinin’ pikir ha’m  usınısların  bildirdi.

Feruza Elmuratova,

Biologiya fakulteti 2-kurs studenti.