Бугун Бердақ номидаги Қорақалпоқ давлат университетида «Қурилишда долзарб экологик муаммолар ва уларнинг ечимлари» мавзусида онлайн видеоконференция бўлиб ўтди.

Видеоконференцияни Қорақалпоқ давлат университети ректори, профессор А.Реймов «Роль Каракалпакского государственного университета в подготовке кадров и решение актуальных экологических проблем в строительстве» мавзусидаги кириш сўзи билан бошлаб берди. Конференция ишини Қурилиш факультети  декани Т.Узақов олиб борди.

Онлайн видеоконференцияда Қорақалпоқ давлат университети Қурилиш факультети профессор-ўқитувчиларидан ташқари Тошкент архитектура қурилиш институти, Ургенч давлат университети, Самарқанд давлат Архитектура қурилиш институти, Навоий Давлат кончилик институти Нукус филиали профессор-ўқитувчилари ҳамда ЎзР ФА Қорақалпоғистон Республикаси бўлими катта илмий ходимлари ҳам ўз маърузалари билан иштирок этди.

Куннинг иккинчи ярмида онлайн видеоконференция қурилишда энергиятежамкор материаллар ва конструкцияларни қўллаш, бино, иншоотлар ва қурилиш конструкцияларини лойиҳалаш муаммолари, шаҳар инфраструктурасини ривожлантириш масалалари, ўқитишнинг инновацион услублари ва экологик саводхонликни ривожлантириш масалалари мавзуларида ўз ишини давом этди.

ҚҚДУ Матбуот хизмати.