Жорий йилнинг 13 апрель куни Бердақ номидаги Қорақалпоқ давлат университетида Ўзбекистон Журналистларни қайта тайёрлаш маркази ва Европада хавфсизлик ва ҳамкорлик ташкилотининг мамлакатимиздаги лойиҳалар координаторлари университетнинг журналистика таълим йўналиши талабалари учун «Терроризмга қарши курашда ОАВнинг роли» мавзуидаги тренинг ташкил этилди.

Тренингни ЎзДЖТУ халқаро журналистика факультети катта ўқитувчиси, PhD Беруний Алимов, “Ўзбекистон24“ радиоканали катта муҳаррири Нозима Тошпўлатовалар олиб борди.

Маълумотларга қараганда, дунё бўйича 2017 йил 65 нафар журналист фавқулотда вазиятлар қурбони бўлган. Шундан 60 фоизи воқеа жойида ҳалокатга учраган.

Тренингда терроризмга оид воқеа-ҳодисаларни ёритишда журналист амал қилиши керак бўлган мажбуриятлар турли мисоллар билан келтирилиб, батафсил тушунчалар берилди.

Тренингнинг иккинчи қисмида Беруний Алимов ва Нозима Тошпўлатовалар талаба-ёшлар билан амалий машғулот ўтказди. Унда гуруҳларга бўлиниб рўлли ўйин ташкил этилди ва талабалар турли вазиятларда қандай қилиб интервью олиш мумкинлигини кўрсатиб беришди. Машғулот давомида журналист йўл қўйиши мумкин бўлган хато ва камчиликлар таҳлил қилинди.

Тренинг сўнгида талабалардан тренинг ҳақида фикр-мулоҳазалари тингланди.

 Матбуот хизмати.