Prezidentimiz yoshlarimizni kitob o’qishga qiziqtirish bo’yicha “Yoshlarning kitob o’qishga qiziqishini orittirish, ularni kitob bilan do’st etish, barchaning kitob o’qish darajasini kuchaytirishga katta e’tibor qaratish kerak”, degan edi.
Shu maqsadda Qoraqalpoq davlat universiteti Texnika fakultetida kitob ko’rgazmasi bo’lib o’tdi. Ko’rgazmada qurilish sohasi, arxitektura va texnika sohalari bo’yicha kitoblar namoyish etildi. Ko’rgazmadan keyin Texnika fakulteti talabalariga kitoblar taqdimoti qo’yib berildi.
Taqdimotda universitetimizning kitob resurs markazi ya’ni kitobxona xodimlari tomonidan texnika yo’nalishiga bog’liq eng sara kitoblar haqida taqdimotlar namoyish etildi.
Bunday ko’rgazmalar nafaqat fakultetimizda, balki butun respublika bo’ylab davom etmoqda.
Shahlo Kalilaeva,
Texnika fakultetining 2-bosqich talabasi.