Қорақалпоғистон Республикаси Конституцияси қабул қилинганлигининг 28 йиллиги муносабати билан Қорақалпоқ филологияси ва журналистика факультетига қарашли №6-сонли талабалар турар жойида 2-В гуруҳ талабаси Дилафруз Облоқулова бошчилигида «Сиз Қонунни биласизми?» шиори остидаги адабий-бадиий кеча ўтказилди.
Тадбир Ўзбекистон ва Қорақалпоғистон Республикалари мадҳияси билан бошланди.
Бош қомусимиз ҳисобланмиш Конституцияда ўрин олган бир қанча моддалар билан таништирилди.
Жамиятнинг ҳуқуқий саводхонлигини оширишга қаратилган саҳна кўриниши ўзининг таъсирчанлиги билан барчада ўзгача фикр уйғота олди, албатта. Унда содда қизнинг ўз ҳуқуқларини билмаганлиги сабабли осонгина алданиб қолиши ва ҳаётини хавфга қўйишга уриниши кўрсатиб берилди. Бундан кўзланган асосий мақсад қонунларни чуқур билиш орқали ҳақ-ҳуқуқларни ҳимоя қила олишга ўргатишдан иборат.
Кечада талаба-қизлар Қорақалпоқ миллий рақсларини маромига етказиб ижро этишгани, ёшларни миллий куй-қўшиқларга бўлган ҳавасини орттирди.
Тўлепбай Қобуловнинг Конституцияга бағишланган назмини ифодали ўқиш орқали талабаларга Ватанга, Давлат рамзларига бўлган ҳурмат-эҳтиромини оширди.
Шунингдек, педагог-тарбиячилар Хожанов Шарап ва Клара Эрназаровалар байрам табриклари ва ўз фикр-мулоҳазаларини ўртоқлашди. Тадбир якунида кечага ўз ҳиссасини қўшган йигит – қизларга ўқув-қуроллари эсталик сифатида тақдим этилди.
Азиза АСОМОВА
Дилафруз ОБЛОҚУЛОВА
Қорақалпоқ филологияси ва Журналистика факультети талабалари.
