Сырт елде тәжирийбе арттырыў ҳәм билим алыў

Сырт елде тәжирийбе арттырыў ҳәм билим алыў

Университет профессор-оқытыўшылары ҳәм студент жаслары ҳәр қыйлы халықаралық шөлкемлер тәрепинен шөлкемлестирилген проектлерде қатнасып, шет ел университетлеринде тәжирийбелерин асырыў, халықаралық әнжуманларда ҳәм оқыў курсларында қатнасыў киби бир қатар имканиятларға ийе. 2018-2019 оқыў жылында университетимизден жәми 40 тан аслам профессор-оқытыўшылар шет еллерде өткерилген оқыў курслары, семинар-тренинглер, халықаралық илимий-практикалық конференциялар, тәжирийбе алмасыў курсларына қатнасы. Сондай-ақ, 2 илимий қәнигемиз Европа Аўқамының жойбарлары тийкарында Германия, Португалия, Италия, Эстония мәмлекетлеринде илимий-әмелий стажировка өтеп қайтқан болса, ҳәзирги ўақытта 3 питкериўшимиз Россия, Ҳиндистан, Қытай мәмлекетлеринде магистратура ҳәм докторантурада оқып атыр.

Соның менен бирге, Өзбекстан Республикасы Президентиниң ПҚ-2909 ҳәм ПҚ-3775-санлы Қарарларында белгиленген ўазыйпаларды орынлаў ҳәмде университетимизде билимлендириў системасын еледе раўажландырыў, усы бағдарда шет ел тәжирийбесин енгизиў мақсетинде сырт еллердиң жетекши университетлери ҳәм илмий орайлары, ҳәр қыйлы халықаралық шөлкемлеринен профессор-оқытыўшылар ҳәм илмий хызметкерлер университетимиз студент-жасларына сабақ өтиў, профессор-оқытыўшыларымыз бенен биргеликте илимий-изертлеў жумысларын алып барыў ушын университетимизге жийи-жийи мирәт етиледи. Мысалы ушын, 2018-2019 оқыў жылында Япония, Қазақстан, Түркменстан, Германия, Австрия, Әзербайжан, Испания, Россия мәмлекетлеринен 49 шет елли мийманлар келген болса, солардан 26сы ҳәр қыйлы пәнлер бойынша студентлерге сабақ өтиў мақсетинде мирәт етилди.

Пайдалы дереклер

Skip to content