slot gacor hari inislot demo gratisslot gacor gampang menangSLOT DEMOslot gacor terbaikslot pulsahttps://mti.unpam.ac.id/assets/images/https://besadu.belitung.go.id/css/https://uptdlkk.kaltimprov.go.id/img/product/https://e-learning.iainponorogo.ac.id/thai/https://organisasi.palembang.go.id/userfiles/images/https://ditkapel.dephub.go.id/petikemas/tests/https://pmb.universitaspertamina.ac.id/popup/hari-ini/https://jdih.komnasham.go.id/img/banner/https://e-office.pangandarankab.go.id/demo/https://file.disdikbud.kaltimprov.go.id:8443/user/https://lms.binawan.ac.id/terbaik/
Экономика факультети | Karakalpak state university

Экономика факультети

 

Экономика факультети деканы:

Жиемуратов Темирбай Полатбаевич

+99861-226-17-66
t_jiemuratov@karsu.uz

 

Факультеттеги кафедралар

  1. Финанс
  2. Экономика
  3. Бухгалтериялық есап ҳәм аудит
  4. Улыўма экономикалық пәнлер

Экономика факультети тарийхы

Өзбекстан Республикасында жоқары билимлендириў системасын 2030-жылға шекем раўажландырыў концепциясы жоқары билимлендириў системасын социаллық тармақ ҳәм экономика тараўларының талапларынан келип шығып илим, билимлендириў ҳам өндиристиң беккем интеграциясын тәмийинлеў негизинде тәлим сапасын жақсылаў, бәсекеге шыдамлы кадрлар таярлаў, илимий ҳәм инновациялық искерликти нәтийжели шөлкемлестириў, халық аралық бирге ислесиўди раўажландырыў мақсетинде ислеп шығылған.

Концепция Өзбекстан Республикасында жоқары тәлимди раўажландырыўдың стратегиялық мақсетлерин, бағдарларын, ўазыйпаларын орта ҳәм узақ мүддетли келешектеги басқышларын белгилейди ҳәмде салаға тийисли бағдарламаларды ҳәм комплекс илажларды ислеп шығыў ушын тийкар болып есапланады.

Экономика факультети Қарақалпақ мәмлекетлик университетиниң қурамында 1977-жылы аўыл хожалық эконо­микасы факультети дүзилди. Аўыл хожалық экономикасы факультетинде: аўыл хожалығын механизацияластырыў, агрономия, аўыл хожалығын жобаластырыў, бухгалтериялық есап тәлим бағдарлары бойынша қәнигелер жетилистирилди. 1977-жылы факультет қурамында бир ғана агрономия кафедрасы шөлкемлестирилип, онда 6 оқытыўшы ислеген болса, 1978-жылдың сентябринде «Агрономия» каферасы тийкарында «Аўыл хожалығы экономикасы» хәм «Агро­номия» кафедралары дүзилди.

«Аўыл хожалығы экономикасы» кафедрасы баслығы етип доцент Ш.Тлеўбергенов сай­ланды. Бул дәўирде кафедрада А.Қ.Матекеев, Т.Ситмуратов, О.Назарбаев, Г.Джумагалиева, М.Сейтназаров, Е.Избасқанов, О.Бердиев хәм басқалар жумыс иследи. 1980-жылы «Аўыл хожалығы экономикасы» кафедрасы қурамынан «Бухгалтериялық есап» хәм «Аўыл хожалығы хызметин анализлеў» кафедралары бөлинип шықты. Бул жаңадан дүзилген кафедраға А.Қ.Матекеев басшылық етти. 1992-1994-жылларда факультет деканы лаўазымында экономика илимлериниң докторы, профессор А.Матекеев иследи хәм факультетте 4 кафедра хызмет етти. 1994-жылы профессор А.Отаров факультет деканы лаўазымында иследи. 1995-жылы Эконо­мика факультети деканы лаўазымына доцент О.Назарбаев сайланды хәм факультетте 3 кафе­дра – Экономика, «Бухгалтериялық есап хәм аудит» ҳәм «Экономикалық кибернетика хәм ин­форматика» кафедралары жумыс иследи. 2005-2010-жылларда Экономика факультети деканы лаўазымында экономика илимлериниң кандидаты доцент Р.Ешниязов, аўыл хожалық илимлериниң кандидаты, доцент Б.Гаипов, экономика илимлериниң кандидаты, доцент А.Төребеков, эконо­мика илимлериниң кандидаты, доцент А.Инятов, экономика илимлериниң кандидаты, доцент С.Байжанов, э.и.к., доцент Г.Утемуратова иследи. 2011-жылы «Бизнести басқарыў» ҳәм Экономика факультетлери бирлестирилип, Социал-экономикалық факультети болып шөлкемлестирилди ҳәм оған доцент Б.Сеилбеков басшылык етти. 2019-жыл 2-июнь сәнесинен баслап «Экономика» факультети деп қайта шөлкемлестирилди. Бүгинги күнде факультетти доц. Т. Жиемуратов басқарып келмекте.

Ҳәзирги ўақытта бул факультетте 4 кафедра бар болып, булар «Экономика» (доц.Р.Адилчаев), «Финанс» (доц.К.Қудияров), «Бухгалтериялық есап ҳәм аудит» (доц.С.Байжанов) ҳәм «Улыўма экономикалық пәнлер» (проф.Г.Утемуратова) кафедралары есапланады. Бул кафедраларда тийкарынан  58 професор-оқытыўшылар мийнет етип, соның ишинде 3 илим докторы ҳәм профессорлар, 24 илим кандидаты ҳәм философия докторлары (PhD) ҳәм доцентлер болып есапланады. Буннан тысқары 2 профессор-окытыўшы қәнигелик пәнлерди ингилис тилинде өтиўге рухсат беретуғын British consil  тәрепинен берилетуғын «Aptis» сертификатына ийе.

Факультетте тийкарынан экономика, финанс, бухгалтерия есабы ҳәм аудит, туризм, менеджмент ҳәм статистика бакалавр тәлим бағдарлары ҳәм экономика, бухгалтериялык есап ҳəм аудит, мәмлекетлик финанс ҳәм халык аралық финанс ҳәмде монополияға қарсы гүресиў ҳәм бәсекени раўажландырыў магистратура қәнигеликлери бойынша студент ҳәм магистрантлар билим алып келмекте.

Буннан тысқары, университетимизде шөлкемлестирилген сыртқы бөлимде «Экономика», «Бухгалтерия есабы ҳәм аудит» тәлим бағдарлары бойынша, екинши тәлим «Экономика», «Финанс» ҳәм «Бухгалтерия есабы ҳәм аудит» бакалавр тәлим бағдарларында республикамыз экономикасының ҳәр қыйлы тараўларында табыслы ислеп атырған қәнигелер оқып атыр.

Факультте Қарақалпақстан Республикасының барлық районларынан буннан тысқары Хорезм, Бухара, Қашқадарья, Наўайы, Самарқанд, Сурхандәрья, Фергана, Ташкент областларынан студентлер келип билим алмақта.

Сондай-ақ, Өзбекстан Республикасы Президентиниң 2017-жыл 27- июльдеги «Жоқары мағлыўматлы қәнигелерди таярлаўдың сапасын арттырыўда экономика тараўлары ҳәм тармақлардың қатнасын және де кеңейтиў ис-илажлары ҳаққында»ғы қарарын орынлаў бойынша университеттиң бириктирилген комплекс көлеминде тийисли минис­трлик ҳәм кәрханалардың басшыларының қатнасындағы  тараўға тийисли жаңалықлар, келешектеги раўажланыўы, билимниң сапасын көтериў, илимий-изертлеў жумысларын раўажландырыў ҳәм алдағы әмелге асырылатуғын жумысларды белгилеп алыў бойынша жумыс бериўшилер тәрепинен жумыс орынлары бойынша толық мағлыўматлар берилди және де «Жас қәнигени жумыс пенен тәмийинлеўге көмеклесиў ҳаққында»ғы үш тәреплеме шәртнамалар рәсмий­лестирилди.

Студентлерге билим бериўде теориялық оқыў процесси менен әмелий билимди биргеликте алып барыў мақсетинде оқыў жылы басында дүзилген тийисли реже ҳәм графиклерге сәйкес жыл даўамында сәйкес министрликлер, ведомстволардың басшылары ҳәм республика көлеминдеги кәрхана, мәкемелер қәнигелери менен студентлердиң ушырасыўларын шөлкемлестирип барылады.

Факультетте билимлендириўдиң сапасын арттырыў, илимий дәрежелиликти көтериў, материаллық-техникалық базаны беккемлеў, профессор-оқытыўшылардың педагогикалық ҳәм кәсиплик тәжирийбесин арттырыў барысында да салмақлы жумыслар әмелге асырылмақта. Профессор-оқытыўшылар ҳәр үш жылда турақлы түрде Ташкент мәмлекетлик экономикалық университети жанындағы педагог кадрларды қайта таярлаў ҳәм олардың қәнигелигин жетилистириў орайында ҳәмде Бас илимий методикалық орайда өзлериниң қәнигеликлерин жетилистирип келмекте.

Факультетте халық аралық бирге ислесиў жумыслары да жолға қойылған. Сырт еллер менен байланысларды жетилистириў, тәжирийбе алмасыў мақсетинде Россияның Кубан мәмлекетлик университети, Москва мәмлекетлик гуманитар-экономикалық университети, Қалмық мәмлекетлик университети, Қазақстан Республикасының Жубанов Атындағы мәмлекетлик университети, Баишев атындағы Ақтөбе университети, Туркияның Ататурк университетлери менен байланыслар орнатылған. Атап айтатуғын болсақ Ататурк университети профессоры Фахри Явуз, Кубан мәмлекетлик университети доценти Денис Бугаев, Қазақстан миллий аграр университети философия докторы (PhD) доценти Айгул Исмаилова, Баишев атындағы Ақтөбе университети доценти Бухарбаев Шыныбеклер факультет студентлерине сабақлар өтти. Сондай-ақ, факультет тәжирийбели профессор-оқытыўшылары сырт ел оқыў орынларында тәжрийбе алмасыў мақсетинде өзлериниң пәнлери бойынша лекциялар өтти. Атап айтқанда, доцент О.Назарбаев, доцент А.Инятовлар Қазақстанның Баишев атындағы Ақтөбе университетинде, доцент Р.Адильчаев Россияның Қалмық мәмлекетлик университетинде лекция сабақларын өтип келди.

Факультет оқыў имараты толық реконструкциядан шықты ҳәмде заманагөй инвентарлар менен толық тәмийинленген. Барлық компьютерлер интернет тармағына толық жалғанған WI-FI қурылмасы ислеп тур, профессор-оқытыўшылар ҳәм студент жаслар бул хызметтен толық пайдаланып сабақларды заманагөй информациялық-технологиялар жәрдеминде сапалы етип өтпекте.

Факультет Республикамыздың халық хожалығында, мәмлекетлик ҳәм мәмлекетлик емес секторларының жоқары мағлыўматлы экономист кадрларына болған базар талапларын толық қанаатландырыў имканиятына ийе.

 

 

Бакалавр тәлим бағдарлары:

  1. «Экономика»,
  2. «Финанс»,
  3. «Бухгалтерия есабы ҳәм аудит»,
  4. «Туризм»,
  5. «Менеджмент»
  6. «Статистика»

 

Магистратура қәнигеликлери

 

  • 5А230102 – Экономика
  • 5А230901 – Бухгалтериялык есап ҳəм аудит
  • 5А230601 – Мәмлекетлик финанс ҳәм халык аралық финанс
  • 5А230108 – Монополияға қарсы басқарыў ҳәм бәсекени раўажландырыў

 

Экономика факультети Өзбекистан, Россия федерациясы, Казақстан Респуб- ликасының дүньяға белгили бир қатар университетлериниң экономикалық бағдардағы факуль­тетлери менен, сондай-ақ ири илим орайлары менен тығыз илимий байланысларға ийе. Факуль­тет усы күнге шекем 30 ға жақын республикалық, жоқары оқыў орны көлеминде илимий-әмелий конференциялар өткерип келмекте. 2015-жылы «Арал бойы зонасында киши бизнес ҳәм жеке исбилерменликти раўажландырыўдың экономикалық-экологиялық машқалалары» атамасындағы халық-аралық илимий-әмелий конференция, 2016-жыл «Демографиялық раўажланыўдың социаллық-экономикалық машқалалары ҳәм Республикада миграциялық сиясат» атамасындағы республикалық илимий-әмелий конференция, 2017-жыл «Қарақалпақстан Республикасы экономикалық районларының өндирислик структурасын оптималластырыў машқалалары» атамасындағы республикалық илимий-әмелий конференция, 2018-жыл «Регионлар халқының бәнтлигин тәмийинлеў ҳәм пәраўанлығын жақсылаў: ҳәзирги аҳўалы, машқалалары ҳәм раўажланыў стратегиясы» атамасындағы республикалық илимий-әмелий конференция, 2019-жылы «Социал-экономикалық пәнлер ҳәм социал мәканда жаслар мәслелери» атамасындағы республикалық илимий-әмелий конференция ҳәм 2020-жылы «Арал бойы халыклары турмысы абаданлығын асырыўда инвестициялық тартымлылықтың әҳмийети» атамасындағы республикалық илимий-әмелий видеоконференция өткерилди.

Пайдалы дереклер