Mámleketimizde tálim-tárbiya sistemasın dáwir talapları tiykarında jetilistiriw, jaslarǵa ilim úyretiw hám zamanagóy kásip-ónerlerge baǵdarlaw, olardı ana-Watanǵa sadıqlıq ruwxında tárbiyalawda eń pidayı kásip iyeleri bul álbette– muǵallimler hám ustazlar esaplanadı. Húrmetli Prezidentimizdiń óziniń bayram qutlıqlawında; Biz, ata-analar ózimizdiń en úlken baylıǵımız bolǵan áziz prezentlerimizdiń keleshegin Siz, húrmetli ustazlar qolına isenip tapsırǵanbız -dep atap ótkenindey; Haqıyqatında da, ustazlar   jaslarımızdıń qálbine hám sana – sezimine Ana – Watanǵa muhabbat hám sadıqlıq tuyǵıların sińdiriw, olardı túrli unamsız illetlerden saqlaw, kámil insan etip tárbiyalaw jolındaǵı pidáyı xızmetlerin bárshe ata-analar, keń jámiyetshiligimiz, pútkil xalqımız júdá jaqsı biledi hám ayrıqsha qádirleydi. Sonlıqtanda ustazlardı ulıǵlawday  qádiriyatlarımız óziniń haqıyqıy bayram kórinisin bermekte. Bayram múnásibet menen usı jıldıń 3-oktyabr kúni Berdaq atındaǵı Qaraqalpaq mámleketlik universiteti tárepinen «1-oktyabr – Muǵallimler hám ustazlar» bayramına baǵıshlanǵan ilaj bolıp ótti. Onda nuraniy ustazlar, professor-oqıtıwshılar hám bir qatar taraw pidayıları qatnastı. Ilajda universitet rektorı sózge shıǵıp, bárshe ustazlarmızdı bayram menen qutlıqlap, universitetimiz student-jasları, professor-oqıtıwshılarınıń qolǵa kirgizgen tabısları, qalaberse JOOnıń abıraylı xalıqaralıq reytingi esaplanǵan Times Hidger Education óziniń 2022-jıl ushın Impact reytingi (THE Impact Rankings 2022) hám AD Scientific Index reyting agentliginiń Top Universities Ranking 2022 nátiyjeleri boyınsha universitetimiz usı 2 xalıq aralıq reytingten múnásip orın iyelewi, álbette bárshe profesor-oqıtıwshılar hám ustazlardıń tınımsız miynetleriniń jemisi ekenligin atap ótip, olardıń mashaqatlı hám maqtanıshlı bolǵan jumıslarıńızda tasqın-tabıslar tiledi. Sonday-aq, ilajda bayram múnásibeti menen bir qatar taraw pidayıların, universitetimiz rektorı tárepinen minnetdarshılıq xatları hám bayram sawǵaları tapsırıldı. Ilaj universitet studen-jaslar tárepinen tayarlanǵan koncert baǵdarlaması menen juwmaqlandı.

QMU Baspasóz xızmeti