Алдын хабар бергенимиздей, Бердақ атындағы Қарақалпақ мәмлекетлик университетиниң «Улыўма биология ҳәм физиология» кафедрасында сырт еллердиң жоқары оқыў орынларынан профессор-оқытыўшыларды сабақ оқытыўға шақырыў бойынша Россия Федерациясының Санкт-Петеребург мәмлекетлик педиатрия медицина университети Нормаль физиология кафедрасынан доцент, медицина илимлериниң кандидаты Валерий Еркудов 2019-жыл 24-апрельден 3-майға шекемги аралықта «Биология» тәлим бағдары студентлерине Адам анатомиясы ҳәм физиологиясы пәнинен лекция оқыды.
Сондай-ақ, ол кафедра ушын қәўендерлик есабынан Санкт Петербургтан алып келинген әсбап-ускенелер жәрдеминде магистрантлар, докторантлар ҳәм жас оқытыўшылар менен биргеликте илим-изертлеў жумысларын алып барды.
Әлбетте, бундай сырт елдиң илимпазлары менен өз ара бирге ислесиў университетимиздиң илимий потенциалын көтериўде өзиниң унамлы нәтийжесин беретуғынына исенемиз.
Баспасөз хызмети.