Ҳүрметли Президентимиз жасларды китап оқыўға қызықтырыў бойынша: «Жаслардың китап оқыўға қызығыўшылығын арттырыў, оларды китап пенен дос етиў, бәршениң китап оқыў дәрежесин жоқарылатыўға үлкен итибар қаратыў керек», деген еди.

Усы мүнәсебет пенен 14-май күни китаплар акциясына университетимиздиң Физика-математика факультети әмелий математика кафедрасының ассистенти Рахим Шыхыев ҳәм де усы мектептиң 1998-жылғы питкериўшилери Ешмуратов Бахтияр, Қошмуратов Саламат, Маманов Мурат, Өтепбергенова Гаўҳарлар өз туўылып өскен  жериндеги Шоманай районлық 13-санлы мектебине өзлериниң авторлығындағы ҳәм басқа да әдебий китаплардан саўға етти.

Илаж барысында мектеп оқыўшылары ҳәм оқытыўшылар менен сәўбет шөлкемлестирилди. Оқыўшылар өзлери қызықтырған сораўларына жуўаплар алды.

Р.Шыхыев,

Кафедра ассистенти.