Usi jildin’ 21-iyun – 29-avgust ku’nleri aralig’inda Yaponiyanin’ Hokkaido provintsiyasinin’ Higashikawa qalasinda birinshi ret Qaraqalpaqstannan “Yapon tilin u’yreniw ha’m ma’deniyat almasiw” atli programmasi boyinsha universitetimizdin’ shet tilleri fakultetinin’ studenti U.Bazarbaev qatnasip qaytti.

Bul programmanin’ tiykarg’i maqseti – o’zbekstanli studentlerge yapon tilin oqitiw, sonday-aq, ma’deniyat almasiw ma’seleleri bolip, 5 jildan berli ha’r jazda sho’lkemlestirilip kelinbekte.

Studentimiz Yaponiyada universitetimiz atin ha’r ta’repleme ko’rsetip, Qaraqalpaq milliy ma’deniyatinin’ ku’n shig’is elinde azg’ana bolsa da jariq ko’riwine o’z  u’lesin qosa aldi.

U.Bazarbaev sabaqtan bos waqitlarinda, ha’r tu’rdegi yapon milliy bayram ilajlarina qatnasip, jazg’i dem alisin mazmunli o’tkerip qaytti.

 Baspaso’z xizmeti.