Keyingi jillarda ma’mleketimizde korrupciyag’a qarsi gu’resiw tarawinda a’hmiyetli sho’lkemlestiriwshilik – huqiqiy reformalar a’melge asirilmaqta. Xaliqtin’ huqiqiy sanasi, huqiqiy ma’deniyatin asiriwg’a, ja’miyette korrupciyag’a qarsi mu’na’sibetti qa’liplestiriwge jo’nelttirilgen sistemali sharalar ko’rildi.

 2019-jil 27-mayda O’zbekstan Respublikasi Prezidentinin’ «O’zbekistan Respublikasinda korrupciyag’a qarsi gu’resiw sistemasin ja’ne de jetilistiriw is-ilajlari haqqinda»g’i 5729- sanli Pa’rmani qabil etildi. Bul Pa’rman menen 2019-2020- jillarda «Korrupciyag’a qarsi gu’resiw» ma’mleketlik bag’darlamasi tastiyiqlandi.

Bul bag’darlamanin’ tiykarg’i bag’dari xaliqtin’ huqiqiy sanasi ha’m huqiqiy ma’deniyatin asiriw, ja’miyette korrupciyag’a qarsi qatnasiqlartdi qa’liplestiriw, ma’mleket ha’m ja’miyet turmisinin’ barliq tarawlarinda is-ila’jlardi a’melge asiriwg’a qaratilg’an.

Sol tiykarda universitetimizdin’ yuridika fakultetinde professor – oqitiwshilar ha’m student-jaslar menen birgelikte «Jaslar korrupciyag’a qarsi» klubi sho’lkemlestirildi. Bul klubtin’ tiykarg’i maqseti – ja’miyetimizdin’ barliq tarawlarinda korrupciyag’a qarsi gu’resiwdi u’git – na’siyatlaw islerin alip bariwdan ibarat.

M.Jaqsilikov,

Yuridika fakulteti yurisprudenciya bakalavr ta’lim bag’darinin’ 3-kurs student.