Қарақалпақ мәмлекетлик университети Қарақалпақ тил билими кафедрасының профессоры, филология илимлериниң докторы Ш.Абдиназимов өзи билим алған Кегейли районындағы 42-санлы мектепке 150 дана китап саўға етти.
Китаплар арасында жәҳән әдебияты классиклери Пушкин, Лермонтов, Достоевский, Шолохов, Тургеневтиң китаплары, Шынғыс Айтматовтың 7 томлығы, өзбек шайыр, жазыўшыларынан А.Орипов, Хамид Ғулом, қарақалпақ әдебиятынан Бердақ, Әжинияз, И.Юсупов, Т.Қайыпбергенов ҳәм т.б. шайыр-жазыўшылардың шығармалары, «Қарақалпақ фольклоры»ның 10 томлығы, қарақалпақ тили ҳәм әдебиятына байланыслы илимий мийнетлер бар. Ең баслысы илимпаздың өзиниң авторлығындағы жәрияланған 20 атамадағы китаплары мектеп жәмәәти ушын үлкен саўға болды.