Усы жылдың 17-июль сәнесинен Бердақ атындағы Қарақалпақ мәмлекетлик университети қабыллаў комиссиясы тәрепинен тест сынақлары менен бирге дөретиўшилик (кәсиплик) имтиханлар болып өтиўи белгиленген тәлим бағдарларына имтиханлар басланды.
Булар Архитектура; Филология ҳәм тиллерди оқытыў: қазақ тили; Филология ҳәм тиллерди оқытыў: түркмен тили; Журналистика; Мәденият ҳәм көркем өнер мәкемелерин шөлкемлестириў ҳәм басқарыў тәлим бағдарлары белгиленген ҳәм 17-20-июль күнлери аралығында арнаўлы кесте тийкарында өткериледи.
Бүгин өткерилген имтиханларға жәмийетшилик бақлаўды шөлкемлестириў мақсетинде халық депутатлары Нөкис қалалық кеңесиниң депутаты Венера Каленова, сондай-ақ, университет жанындағы жәмийетшилик кеңесиниң ўәкиллери де қатнасты.
Өткерилип атырған имтиханлардың қалыс өтиўин тәмийинлеў мақсетинде видеогүзетиўлер шөлкемлестирилди ҳәм сыртта көриў имканияты жаратылды. Нәтийжеде, абитуриентлердиң ата-аналары болып атырған процессти толық корип барыў имканиятына ийе болды.
Баспасөз хызмети.
