Elimizde ha’r jili joqari oqiw orinlarinin’ pitkeriwshi kurs studentlerin o’z qa’nigelikleri boyinsha tiyisli orinlarg’a a’meliyat o’tew ushin jiberiw u’rdiske aylang’an is bolip tabiladi.

Sol qatarda usi jildin’ 4-sentyabr ku’ninen Berdaq atindag’i  QMU shet tiller fakulteti awdarma teoriyasi ha’m a’meliyati qa’nigeliginin’ bir topar pitkeriwshi kurs studentleri No’kis qalasinda jaylasqan Qaraqalpaqstan Respublikasi tariyxi ha’m ma’deniyati ma’mleketlik muzeyinde o’z a’meliyat da’wirin o’temekte.

Bul jerde olardin’ a’meliyat basshisi Da`wenova Rayxan studentlerdi muzey ha’m ondag’i jumis barisi menen jaqinnan tanistirip barmaqta. Oqiwshi-jaslar bul a’meliyat da’wirinde xalqimizdin’ tariyxi, jasaw sharayati ha’m tag’I basqa usi siyaqli bahali mag’luwmatlarg’a iye bolmaqta.

Usi a’meliyat dawaminda u’yrengen ha’r bir bilimi studentlerimizge keleshekte o’z ka’sibinin’ jetik mamani boliwinda o’z paydasin tiygizedi degen u’mittemiz.

Go’zzal Tolegenova,

Awdarma teoriyasi ha’m a’meliyati ta’lim bag’dari 4-kurs student.