2020-жыл 29-август күни Қарақалпақ мәмлекетлик университети жанындағы илимий дәрежелер бериўши PhD.03/30.12.2019.B.20.04 санлы Илимий Кеңес жанындағы Илимий семинардың 2-санлы онлайн мәжилиси болып өтти. 

Мәжилисте еки мәселе додаланды. 1. Ташкент мәмлекетлик педагогика университети 3-басқыш таяныш докторанты Хамрокулова Зебинисо Хамрокуловнаның “Ѳзбекстанныӊ Арқа-шығыс регионы кемириўшилер (Rodentia) отрядыныӊ гельминтофаунасы, экологиясы ҳәм әҳмийети” атамасындағы    03.00.06 – Зоология қәнигелигинен биология илимлери бойынша философия докторы (PhD) илимий дәрежесин алыў ушын таярланған диссертация жумысы. 2. Улыўма биология ҳәм физиология кафедрасының стажёр-оқытыўшысы Арепбаев Исламбек Муратбаевичтың “Қарақалпақстан айрым кѳллериниӊ аўланатуғын қуслары фаунасы ҳәм экологиясы» атамасындағы 03.00.06 – Зоология қәнигелигинен биология илимлери бойынша философия докторы (PhD) илимий дәрежесин алыў ушын таярланған диссертация жумысы.

Илимий семинар соңында 03.00.06 – Зоология қәнигелигинен биология илимлери бойынша философия докторы (PhD) илимий дәрежесин алыў ушын таярланған бул диссертация жумыслары ЖАК ныӊ талапларына жуўап береди деп табылды ҳәм Қарақалпақ мәмлекетлик университети жанындағы илимий дәрежелер бериўши PhD.03/30.12.2019.B.20.04 санлы Илимий Кеңесте жақлаў ушын усыныс етилди. 

 

 

Аметов Я.И.

ҚМУ, Биология факультети деканы,

Илимий семинар баслығы,

биология илимлери докторы