Qaraqalpaqstan Respublikası Màlimleme-kitapxana orayında «INFOLIB UZBEKISTAN-2020» IX Milliy màlimleme-kitapxana hàpteliginiñ 19-noyabr kúni «Ádebiyat hám mádeniyat kewillerge gózzallıq baģıshlawshı kúsh» atamasında sáwbetlesiw keshesi bolıp ótti.
Kesheni Qaraqalpaqstan Respublikası Teleradiokompaniyası kommentatorı Zulfiya Jabbarbergenova alıp bardı. Keshege Qaraqalpaqstanģa miyneti sińgen mádeniyat xızmetkeri, «Doslıq» ordeni iyesi Gúlistan Dawletova, Qaraqalpaq xalıq baqsısı Gúlnara Allambergenova, Qaraqalpaqstan Respublikasına miyneti siñgen mádeniyat xızmetkeri, «Soģlom avlod uchun» ordeni iyesi Injigul Saburova, Ájiniyaz atındaģı Nókis pedagogikalıq institutı oqıtıwshı, pedagogika ilimleri doktorı, professor Óserbay Álewov, Berdaq atındaģı Qaraqalpaq màmleketlik universiteti student jasları, «Kitapqumarlar» klubı baslıģı Rawshan Kalmurzaeva hám klub aģzaları qatnastı.
Klub aģzaları ózlerin qızıqtırģan sorawların berdi hám keshe júdá mazmunlı bolıp ótti.

Sabır Ibraymov.  Shet tilleri fakulteti.