Universitet jaslar awqamı hàm Arqa-batıs àskeriy okrugi menen birgelikte 8-dekabr Òzbekstan Respublikası konstituciyasına 28 jıl tolıwı mùnàsibeti menen «Konstituciya bilimdanları» zakawat intellektual oyını shòlkemlestirildi.
Bul intellektual oyınnıñ maqseti jaslarımızdıñ huquqıy sawatın hàm konstituciyalıq bilimin ele de asırıw bolıp tabıladı.
Bul ilajda universitetimizdiñ bir qatar bilimli studentleri hàm okrug kursantlarınan dùzilgen komandalar òz-ara bellesti.
Bunda 1-orındı «Everest», 2-orındı «Mànàwiyat», 3-orındı «Adolat» komandaları jeñip aldi. Jeñimpazlar hàm sorawlarģa belsendi qatnasıp otırģan tamashagòy kursantlar diplom hàm sawģalar menen sıylıqlandı.
Qatnasıwshılar zakawat intellektual oyını haqqında òziniñ pikir hàm usınısların ayttı.
Ilaj juwmaģında birge islesiwde belsendilik kòrsetken universitet rektorı A.Reymovqa Arqa-batıs àkeriy orkugı atınan «TASHAKKURNOMA» berildi.
Bul ilaj kursantlar hàm student-jaslardıñ konstituciya boyınsha bilimin joqarılatıwģa òz ùlesin qostı desek asıra aytqan bolmaymız.

Qoshjanov Baxıtbay.
Qaraqalpaq filologiyası hàm jurnalistika fakulteti 3-kurs studenti.