10-fevral kúni bizler, Ximiya texnologiya fakulteti 2- «s» toparı ximiya qánigeligi  studentleri kuratorımız Zamira Uzakbergenova basshılıġında Berdaq atındaġı akademiyalıq muzıykalı teatrında bolıp, ol jerde Chingiz Aytmatovtıń «Jamilya» atlı spektaklin tamasha qıldıq. Spektaklde tiykarġı ro’llerdi Miyrigul Mambetmuratova, Aziz Nazarimbetov, Aydos Muratbayev sıyaqlı talantlı aktyorlar atqardı.

Bul spektaklde xalqımızdıń urıs dáwirinde kórgen qıyınshılıqların, awıldaġı er adamlardıń Watanımızdı qorġaw ushın urısqa ketip, olardıń ayırımları mayıp bolıp qaytıp kelse¸ ayırımlarınan qara xat kelgenlerin, er adamlardıń isleytuġın awır jumısların hayal-qızlardıń alıp barġanlıġın yaġnıy olar kúni-túni tınbastan awır miynet etip,  hayal basına awır júklerdi kóterip tınbay miynet etkenligin saxnalastırġan kórinisti óz kózimiz benen kórip usınday paraxatshılıq, toqshılıq zamanında jasap atırġanımızġa skúkirlik ettik.

 

Bas qaharman Jamilya ashıq minezli, shıraylı qara kózli, súykimli, miynetkesh, kelisken, adamlar menen tez til tabısıp ketetuġin shaqqan qız bolıp, ol óz razılıġısız Sadıq degen jigit penen turmıs quradı. Turmıs qurġanınan kóp ótpey Sadıq urısqa atlanadı hám onıń inisi Seyit bárhama Jamilyanıń janında júrip, ońı awıldıń jigitlerinen qorġaydı hám kishesi menen birge dán jıynawġa kómeklesip júredi. Bir kúni awılda urıstan sholaq bolıp qaytıp kelgen Daniyar degen jigit payda boladı. Ol ápiwayı, kem gáp, qarapayım miynetkesh jigit bolıp, mayıp bolıp qaytıp kelgensoń awılda hayal qızlar menen birge atız jumıslarına kómeklesedi hám sol jerde Jamilya menen tanısadı. Birge islesiw barısında Daniyar hám Jamiliya arasında sap muhabbat oyanadı. Jamilya óz júregine qulaq salıp, adamlardıń gáp -sózine qaramastan óz súyiklisi Daniyar menen awıldan ketip qaladı.  Sadıq bolsa saw salamat urıstan qaytıp kelip, Jamilyanı izlep hesh jerden taba almaydı.

Al, aǵayınlarınıń pútkil tariyxın gúzetken kishkene bala Seyit tek olardıń baxtinan kewli toladı hám olar menen birge bolǵan qayǵılarǵa muńlas bolıp, olarǵa máńgi tınıshlıq ornatıwǵa járdem beredi. Al, qońsıları bolsa urıs mayıbın ózine jubay etip tańlaǵan Jamilyani qollap –quwatlamaydı.

 Ximiya texnologiya fakulteti, 2s ximiya qánigeligi toparı studenti Jaqsımov Aydos.