Qaraqalpaq filologiyası hàm jurnalistika fakultetine qarasli 6-sanlı studentler turar ùyinde jasawshı studentler menen pedagog tàrbiyashı K. Ernazarova, Hayal-qızlar Keñesi baslıģı G. Allambergenova, Màlimleme resurs orayı baslıģı R. Qalmurzaeva hàm «Kitapqumarlar klubı» aģzaları menen birgelikte òzbek àdebiyatınıñ shayırası Zulfiya Israilovanıñ tuwılģanına 106 jıl tolıwı menen «Sen bàhàrdi saģınbadıñ ba?» atamasında keshe bolıp òtti. Keshede «Kitapqumarlar klubı » aģzaları hà rbir student penen pikirlesip, shayiraniñ qosıqlarınan mısallar keltirdi.
Ana bolıp asırap men,
Àke bolıp jolģa saldım,
Mìne elge ul òsirgen,
Bir dàwletli bolıp qaldım.
Bul qosıq qatarlarında, tarıyıx sàwlelengen. Qosıq qatarların tıñlay otırıp, bùgingi turmısızģa shùkirshilik sezimin qàlbimizge tùydik.
Hàrbir qızdıñ qàlbine tùygen bir maqseti boladı.Sol maqset «Zulfiya izdoshlari» sıylıģın alıp, jàmiyetke paydası tiyetuģınday insan bolıwına baģdarlaydı.
Sonday-aq, keshe juwmaģında hàr bir student jaslar Zulfiya Israilovanıñ qosıqların kòrkemlep aytıp, jùregine ilahiy tuyģını tùydi.
Akimniyazova Zuxra
Qaraqalpaq filologiyasi hàm jurnalistika fakulteti 1-kurs studenti.
