“Алмазар” мәкан пуқаралар жыйынында кѳше бийлериниң катнасында ушырасыў болып ѳтти. Ушырасыўға “Алмазар” мәкан пуқаралар жыйыны баслығы Б.Беркинбаев, Архитектура факультети декан орынбасары З.Баекеев, профилактика инспекторы С.Сейтмуратовлар қатнасты.
Ушырасыў барысында катнасыўшыларға Өзбекстан Республикасы Президенти Ш.Мирзиёевтың 2021-жыл, 13-апрелдеги “Мәмлекетимизде жаслар бǝнтлигин тәмийинлеў ҳәм бос ўақытларын мазмунлы шөлкемлестириў ис-илажлары”на бағышланған видеоселектор мәжилисиндеги “Жоқары оқыў орынлары мәҳәлле жаслары ушын мәнаўий орай ҳәм маденият ошағы” болыўы керек деген басламасы ҳаққында түсиндирип өтилди.
“Алмазар” мǝкан пуқаралар жыйыны көше бийлери Генжемурат Тѳремуратов, Шыразатдин Алламбергеновлар 13-апрель күнги видеоселектор мǝжлисиндеги айтып өтилген мǝселелер, соның менен бирге “Жоқары оқыў орынлары мәҳәлле жаслары ушын мәнаўий орай ҳәм мәденият ошағы” болыўы керек деген басламасы жүда орынлы екенин, көше бийлери бир аўыздан қоллап-қуўатлайтуғынын ҳǝм басламаның орынланыўы ушын өзлериниң жǝрдемлерин беретуғынлығын айтып өтти.
Ушырасыў соңында баслама бойынша алып барылатуғын бир қатар жумыслар додаланды.
Архитектура факультети жаслар менен ислесиў
бойынша декан орынбасары
З.Баекеев.
