Berdaq atındag’ı Qaraqalpaq ma’mleketlik universiteti Geografiya ha’m tabiyiy resurslar fakulteti oqıtıwshıları ha’m student jaslar 22-aprel Xalıqaralıq Jer ku’ni múna’sibeti menen 25-aprel kúni Taxtako’pir rayonında jaylasqan Qarateren’ ko’line sayaxatqa shıqtı. Sayaxat barısında fakultet dekanı N.Embergenov, geografiya ha’m gidrometorologiya kafedrası baslıg’ı K.Allanazarov u’lkemiz tabiyatı haqqında student jaslarg’a qızıqlı maǵlıwmatlar berip bardı ha’m student jaslar arasınan 2-kurs studenti B.Kurbanazarov «Planetamızdıń – jer fondı» temasında o’zinin’ qısqa bayanatın oqıdı, S.Bayjanov «Jer planetasındaǵı mashqalalar», Y.Furunzaeva «O’zbekstannın’ jer fondı» atamasındag’ı bayanatın oqıp student jaslarg’a jasap atırg’an ortalıg’ımızdı qorg’aw haqqında ken’nen tusinikler berdi. Sayaxat dawamında student jaslar ortasında ko’plep qızıqlı oyın tan’lawlar sho’lkemlestirildi, sonın’ ishinde muzıkalı shıǵıwı menen student jaslardan B.Jawmitbaeva qaraqalpaq milliy a’spabın duwtar shertip qaraqalpaq milliy qosıqların aytti. Sonın’ menen bir qatarda «Jerdi asırayıq» atamasındaǵı s úwretler kórik tańlawı (Atabayev Arslanbek, Kubenov Saparbay, Tórejanov Islamjon, R.Kasimova A.Erdanov, N.Madraximova ) bolıp o’tti ha’m en’ jaqsı súwret sızg’an studentler bahalı sawg’alar menen sıylıqlandı.
Son’ 2 -kurs studenti O’mirzakov Shın’g’ıs Xalıqaralıq Jer ku’nine baylanıslı viktorina sorawlar arqalı student jaslar ortasında oyın sho’lkemlestirdi,
Belsendi qatnasqan studentler estelik sawg’alar menen sıylıqlandı.
O’mirzakov Shın’g’ıs.
Geografiya ha’m tabiyiy resurslar fakulteti
Geografiya qa’niygeligi 2-kurs studenti.