Bul sayaxattı shólkemlestiriwdegi maxset studentlerdiń ana jerge suyispenshiligin oyatıw hám ondaǵı mashqalalardı úyreniw, sonıń menen birge Geografiya pánin ámeliy tárepten ele de teren’ úyreniw esaplanadı.Usı sayaxat dawamında Geografiya hám tabiyiy resurslar fakulteti ja’ma’ti menen birge AQSh ma’mleketinen kelgen oqıtıwshı Keyt Shild qatnastı. Fakultet dekanı hám studentler jer fondı hám ondaǵı mashqalalar haqqında keńnen aytip ótti.
Biz ana jerimiz, ondaǵı mashqalalar hám Qaratereń kóliniń qaytalanbas tabiyatı hám biytakirar Bórshitaw haqqında bahalı maǵlıwmatlardı aldıq.
Usı qısqa waqıttın’ ishinde Jer kunine baǵıshlanıp jarıs bolıp ótti. Onda student jaslar belsendi qatnasıp, ozinin’ tayarlaǵan suwretleri hám qosıqları menen qatnastı. Studentler ózleri sızǵan suwretlerde jerdegi mashqalalardı korsetip berdi. Jarıs juwmaǵında belsendi qatnasqan studentlerge fakultet dekanı tárepinen bahalı sawǵalar tapsırıldı.
Absolyut biyikligi 110-120 metr bolǵan Bórshitaw qırlarına studentler shıǵıp, ondaǵi o’simlikler, topıraq qatlamı haqqında maǵlıwmat aldı.
Taxtakópir rayonına bir kúnlik sayaxatımız sonıń menen óz juwmaǵına jetti.
Sultamuratov Tóremurat
Geografiya hám tábiyiy resurslar fakulteti
Geografiya tálim baǵdarınıń 2-kurs student.