Usı jıldın’ 15-oktyabr ku’ni Berdaq atındag’ı Qaraqalpaq ma’mleketlik universiteti ma’deniyat sarayında «INTIUIT» intellektual oyınının’ birinshi turı bolıp o’tti.
Intellektual oyın universitet ko’leminde bolıp, shet tili fakultetleri 2-kurs studentleri ta’repinen sho’lkemlestirildi. Oǵan barlıq fakultetlerden komandalar belsendi qatnastı. Oyın dawamında oynalg’an sorawlar logikalıq sorawlardan ibarat bolıp, oyın ju’da mazmunlı ha’m qızıqlı bolıp o’tti. Bunda bizin’ Jen’il sanaat fakultetinin’ ziyrek studentlerinen du’zilgen «GRANT» komandasıda belsendi qatnastı.
A’lbette, usı sıyaqlı intellektual oyınlardın’ sho’lkemlestiriliwi student jaslar sanasında kitap oqiwg’a degen qızıg’ıwshılıqtı payda etiwde ha’m ziyreklikti asırıwda u’lken tu’rtki boları so’zsiz.
«En’ u’lken baylıq – bul aqıl -ziyreklik, ilim, en’ u’lken miyraslar – bul jaqsı ta’rbiya, en’ u’lken jarlılıq — bul bilimsizlik bolıp tabıladi» dep prezidentimiz Shavkat Mirziyoyev bıykar aytpag’an edi. Jurtbasshımız ta’repinen jaslarg’a usınday joqarı da’rejede itibar jaratılar eken, biz jaslar u’lken isenim menen keleshekke qaray nıq qa’dem taslaymız.

Razmatov Ixlas
Jen’il sanaat fakulteti 1-kurs studenti