Universitetimiz pitkeriwshi kurs studentleriniń keleshekte jaqsı qánige bolıp jetilisip shıǵıwı hám óz kásibiniń jetik mamanı bolıwı búgin hám keleshek ushın júdá ahmiyetli. Sonıń ushın respublikamız mekteplerine 2 ay dawamında ámeliyat ótew ushın bir topar studentler jiberildi. Olar qatarında Tariyx fakulteti qaraqalpaq toparı 4- G kurs studentleri de bar. Studentlerimiz Nókis qalalıq №34-sanlı mektebinde ózleriniń bilim hám kónlikpelerin tájiriybeden ótkermekte. Ámeliyat dawamında topar studentlerine Arxeologiya kafedrası docenti J. Aytmuratov ámeliyat basshısı etip biriktirildi. Ámeliyattıń dáslepki kúnleri studentler mekteptiń ishki qaǵiydaları, sabaq ótiw processleri menen jaqınnan tanıstı. Erteńgi kúnniń tárbiyashısı bolǵan jas áwlad kadrları jetik ustaz hám muǵallimler menen birgelikte ósip kiyatirǵan jas áwladqa házirgi innovaciyalardan paydalanǵan halda jańa oqıtıw metodlarınan paydalanıp oqıwshılardıń bilimine bilim qospaqta.
Erxanov Begzad
Tariyx fakulteti 4-G kurs studenti.
