Qaraqalpaq filologiyası hám jurnalistika fakulteti 2-«A» Baspa isi studentleri ózleriniń tuńǵısh  awdarma  islegen, yaǵnıy, shet tillerinde hám ózbek tilinde jazılǵan kitaplardı qaraqalpaq tiline awdarıwda qanday jetiskenliklerge erisip atırǵanlıǵın korsetip beriwge háreket etti. Bul tanıstırıw sabaǵı usı jónelis boyınsha ámeliy basshı Maman Bekniyazov baqlawında ótkerildi.

 Baspa isi qánigeligi student jasları Maratova Sabira, Muratbaeva Aqsıngúl, Embergenova Azada, Sarıbaeva Nilufar hám de Manzura Óteniyazovalar ózleriniń rus, qazaq hám ózbek tilindegi kitaplardı qaraqalpaq tiline awdarǵan qol jazbaları menen tanıstırdı, oqıp esittirdi hám sol jerdiń ózinde student jaslar hám ámeliy basshı tárepinen sın pikirler, dúzetiwler, usınıslar aytıldı.

Studentler tek ǵana kitap awdarmaları menen tanıstırıp qoymastan  «Milliyligimiz joǵalmasın», «Insan qádiri» temasında jazılǵan maqalaları menen de pikir alısıw ushın jazǵanların oqıp berdi.

Bul tanıstırıw sabaǵı mazmunlı hám kóterińki ruwxta ótti.

 

Manzura Óteniyazova

Qaraqalpaq filologiyası hám jurnalistika fakulteti 2-«A» Baspa isi studenti