Mámleketimizde hayal-qızlardıń jámiyetlik-siyasıy iskerligin asırıw, analıq hám balalıqtı hár tárepleme qollap-quwatlaw, olardıń túrlı tarawlarda óz qábiletin júzege shıǵarıwı ushın shárayat jaratıw barısında keń kólemli jumıslar alıp barılmaqta.

  Usınday ıs-ilajlardıń biri 4-5 sanlı Studentler turar jayında tariyx fakulteti dekanı S. Sulaymanov, jaslar menen birge islesiw boyınsha dekan orınbasarı I. Elmuratov,  studentler turar jayı komendantı K. Ayashova hám de jataqxanada jasap atırǵan bir qatar student qızlar arasında  bolıp ótti. Fakultet dekanı bul jerdegi shárayatlar menen tanısıp, qızlardıń mashqalaların úyrendi.  Qızlardıń pikir-usınısların tıńlap  óz másláhátin berip ótti. Sonday-aq iyis gazinen saqlanıw hám elektr úskenelerden durıs paydalanıw boyınsha, iyis gazinen záhárlengende keltirip shıǵaratuǵın unamsız aqıbetleri boyınsha keń kólemde túsinik berip ótti.

Studentler turar jayında barlıq imkaniyatlar jaratılǵan bolıp, bul jerde til úyreniw kursları,  qol óneri boyınsha dógerekler, kitapqumarlar klubı iskerlik kórsetip kelmekte. Oqıw zalları keń, jaqtı bolıp,  hár bir qızdıń óz qábiletlin júzege shıǵarıwına imkaniyat jaratılǵan. 

 

 

Ushırasıw sońında bunday is-ilajlar tez-tezden ótkerilip turıwına kelisip alındı.

  Tarıyx fakulteti Arxeologiya qániygeligi 3-kurs studenti Tóremuratova Aysulıw.