“- Jańa Òzbekstandı jańasha kòz-qaras, jańa ideya hàm baslamalar menen birge quramız”, -degen urandı alģa sùrgen edi hùrmetli Prezidentimiz. Dùnyanıń qaysı rawajlanģan màmleketlerıne nàzer taslasaq ta biziń Òzbekstanımızday insan qádrin birinshi dàrejege qoyatuģın màmleket bolmasa kerek.
Biz jaslarģa berilgen imkaniyatlardan ùnemli paydalanģan halda tereńirek bilip alıw hàm xalqımızģa paydası tiygendey perzent bolıwımız tiyis. Imkaniyatlardan paydalanıp atırģan sonıń menen bir qatarda òziniń teńleslerin izine ertip, qayır-sahawat islerin islewden jalıqpaģan belsendi jaslarımızdıń biri- Geografiya hàm tábiyiy resurslar fakulteti 3-kurs studenti hàm sonıń menen birge Òzbekstan Jaslar isleri Agentligi Qaraqalpaqstan Respublikası Basqarması janında dùzilgen «Karyere jas kadrlar» clubı belsendi aģzası Islamjan Tórejanov bolıp tabıladı.
Bizlerdiń tınıp-tınshımaģan kewilli jaslarımız biyģárez, biyminnet jàrdem akciyasın jolģa qoydı. Akciya sheńberinde Nokis qalası Shımbay shayxana màhállesinde jasawshı Qurbaniyazova Qalligùl, “Májnuntal” 48-jay, Redinko Lyudmila hàm J.Aymirzaev 64-jayda jasawshı jalģız baslı qarıyalarģa òz jàrdem qolın sozdı. Bunda jaslar òzleriniñ ana watanģa degen jan kùygenligin hàm òzleri jasap atırģan ortalıģına biypárwa emesligin kòrsetip berdi.
Mahàlle turģınları student jasları hàm karyera clubı jaslarına òzleriniń sheksiz minnetdarshılıģın bildirdi.
Ximiya-texnologiya fakulteti ximiya qániygeligi studenti Nasirova Sarbinaz
