Búgin Berdaq atındaǵı Qaraqalpaq mámleket universitetinde “Innovaciyalıq ideyalar jetekshisi” tańlawınıń Qaraqalpaqstan Respublikası basqıshı bolıp, bunda Qaraqalpaqstan Respublikasındaǵı Joqarı oqıw orınları tárepinen usınıs etilgen talabanlardıń hújjetleri úyrenildi.

Ózbekstan Respublikası Ministrler Kabinetiniń 2018-jıl 2-oktyabr kúngi “Innovaciyalıq ideyalar jetekshisi” kókirek nıshanın shólkemlestiriw ilajları haqqında”ǵı 786-sanlı qararına muwapıq innovaciyalıq ideya hám texnologiyalardı rawajlandırıw hám olardı ámeliyatqa engiziwge múnásip úles qosqan jas ilimpazlar hám studentlerdiń innovaciyalıq iskerligin xoshametlew hám erisken jetiskenliklerin múnásip sıylıqlaw maqsetinde Qaraqalpaqstan Respublikası Ministrler Keńesi tárepinen tastıyıqlanǵan komissiya quramı qatnasıwında “Innovaciyalıq ideyalar jetekshisi” kókirek nıshanına Qaraqalpaqstan Respublikasındaǵı Joqarı oqıw orınlarınan 12 talabannıń hújjetleri kórip shıǵıldı. Tańlaw dawamında qatnasıwshılardıń óz joybarları hám iskerligi dawamında erisken jetiskenlikleri boyınsha prezentaciyaları tıńlandı. Olardan 3 talaban: Qaraqalpaq mámleketlik universitetinen Reymov Kamal Mambetkarimovich, Nawayı mámleketlik kánshilik institutınan Kaipbergenov Atabek Tulepbergenovich, Nókis mámleketlik pedagogikalıq institutınan Keńesbaev Adilbaylar jeńimpaz sıpatında tańlap alındı hámde kórik tańlawdıń Tashkent qalasında ótkeriletuǵın juwmaqlawshı respublikalıq basqıshına jollanba berildi.

Joqarıdaǵı qarar talaplarına tiykarlanıp “Innovaciyalıq ideyalar jetekshisi” kókirek nıshanın hár bir aymaqtan múnásip dep tabılǵan bir talabanǵa hár jılǵı Innovaciyalıq ideyalar hápteligi – “InnoWeek.uz” sheńberinde tapsırıw belgilengen.