Usı jıldıń 14-avgust kúni Berdaq atındaǵı Qaraqalpaq mámleketlik universiteti hám universitettiń kásiplik awqamı komiteti tárepinen Nókis qalasındaǵı «Jańabazar»  mákan puqaralar jıyını aymaǵında jasaytuǵın puqaralar ushın Xiywa qalasına sayaxat shólkemlestirildi.

Bul sayaxatqa  «Jańabazar»  mákan puqaralar jıyını aymaǵında jasaytuǵın 50 den aslam ata-analar, nuraniyler hám studen-jaslar qatnastı. Sayaxat dawamında, Xiywa qalasında jaylasqan 17 tariyxıy orınlar hám múzeyler menen jaqınnan tanısıp, tariyxıy arxeologiyalıq estelikler haqqında maǵlıwmatlar aldı. Kún dawamında dúnyaǵa belgili orınları menen ullı ulamalardıń meshit medreselerin  zıyaratlap, ata-babalarmızdıń qol miynetleri, paydalanılǵan ásbap-úskenelerin tamashlap, mádeniy dem aldı.

Óz gezeginde, MPJ turǵınları, ata-analar, nuranıylar bunday itibar hám ǵarqorlıqlar ushın húkimetimizge, sonday-aq, universitet jámáátine óz minnetdarshılıqların bildirdi.

 

QMU Baspasóz xızmeti