Bárshemizge málim «Jańa bazar» MPJ aymaǵında alıp barılıp atırılǵan  abadanlastırıw jumısları búgingi kúnde óziniń unamlı nátiyjelerin kórsetip, «Jańa bazar» MPJ aymaǵı búgin ózgeshe túske endi. Bul aymaqtıń balaları, jasları ushında bir qansha qolaylıqlar jaratılmaqta. Sport hám balalar maydanshaları, gazon futbol maydanshası qurılıp balalardıń quwanıshına jánede quwanısh qospaqta. 

 

Búgin «Jańa bazar» MPJ aymaǵında jasawshı balalar ushın Berdaq atındaǵı Qaraqalpaq mámleketlik universiteti hám Ájiniyaz atındaǵı Nókis mámleketlik pedagogikalıq institutı tárepinen futbol boyınsha sport jarısı shólkemlestirilmekte. Sonday-aq, olardıń sport penen shuǵıllanıwına múnásip sharayatlar jaratıp beriw maqsetinde hár bir komanda aǵzalarına arnawlı sport kiyimleri menen támiyinlendi.

Mámleketimiz tárepinen jaslarımızǵa berilip atırılǵan bunday imkaniyatlar hám itibar, álbette óz nátiyjesin berip, keleshekte elimizdiń bayraqların kóklerge kóteretin sportshı bolıp jetilisiwine isenemiz.

QMU Baspasóz xızmeti