Berdaq atındaǵı Qaraqalpaq mámleketlik universiteti 6-sanlı studentler úyinde Qaraqalpaq filologiyası hám jurnalistika fakultetiniń student qızları menen universitet profilaktika inspektorları I.Erejepov, R.Tasbaeva, fakultet hayal-qızlar máseleleri boyınsha dekan másláhátshisi A.Qazaqbaeva hám jataqxana pedogog-tárbiyashısı K.Ernazarovalar menen birgelikte tálim-tárbiya máselesi, ishki tártip máseleleri boyınsha sáwbetlesiw keshesi bolıp όtti. Ushırasıwda profilaktika inspektorları I.Erejepov hám R.Tasbaevalar student qızlarǵa házirgi waqıtta jaslar arasında ushırasıp atırǵan jınayatlar, kiber jınayat túrleri, qızlarımızdıń studentler úyinde, oqıwda, jámiyetlik orınlarda όzlerin uslap tutıwı máseleleri, tártip intizam máselesi, eń tiykarǵı másele, tereń oqıp bilim alıwları kerekligin atap όtti. Bunnan keyin A.Qazaqbaeva hám K.Ernazarovalarda student qızlardıń tazalıǵı máselesi, ishki tártip intizamǵa boysınıwı máselesi, qızlardıń kiyiniw mádeniyatı haqqında sόz etti. Ushırasıw sońında student qızlar όzlerin qızıqtırǵan sorawlarına juwaplar aldı.
