Húrmetli Prezidentimiz tárepinen ilgeri súrilgen “Bes áhmiyetli baslama”nıń tórtinshi baslaması “Jaslardıń mánawiyatın joqarılatıw, olar arasında kitapqumarlıqtı keń úgit-násiyatlaw»  hám student-jaslardıń jazǵı dem alıs waqtın mazmunlı ótkeriw maqsetinde «Kıtapqumar student»  videorolikler tańlawın járiyalaymız.

Tańlawǵa jollanǵan videorolikler tómendegi kriteriyalar tiykarında bahalanadı:
Shıǵarmanıń mazmunın tolıq ashıp bergenligi; – 25 ball.
Kitapqumar tárepinen oqıǵan shıǵarmanıń mazmun-mánisine óziniń múnásibetin unamlı yamasa sın talqılaw arqalı túsindirgenligi; – 25 ball.
Óz pikirin tolıq túsindirip bere alıw, kórkem obrazlardıń real ómir menen baylanıslılıǵın tolıq ashıp beriwi; – 25 ball.
 Ádebiyatda berilgen ulıwma insanıylıq ideyalar hám milliy koloritdi ashıp bergenligi – 25 ball.

Videorolik waqtı 4 minut kólemi 50 megabayttan aspawı shárt.

Esletpe: Videorolikte bir neshe adamlar qatnasıwı múmkin lekin tiykarǵı qaharman studenttiń ózi bolıwı shárt. Videoroliktiń kreativligi hám tárbiyalıq áhmiyetine ayırıqsha itibar qaratıladı.

Videorolikler 2023 jıl, 6-iyul saat 23:59ǵa shekem @dawranabadanov
telegram mánzilinde qabıllanadı. Sapası hám mazmunına qaray Universitetimiz jaslar awqamı kanallarında jarıtılıp barıladı.
I,II,III orındı iyelegen studentler Universitet rektoratı tárepinen  diplom hám estelik sawǵalar menen sıylıqlanadı.