Usı jıldıń aprel ayı dawamında Berdaq atındaǵı Qaraqalpaq mámleketlik universitetinde barlıq fakultetlerinde Korrupciyanıń aldın alıw hám oǵan qarsı gúresiw boyınsha úgit-násiyat ilajları alıp barıldı. Sonday-aq ilajda universitettiń ishki-tártip qaǵıydaları, korrupciyanıń aldın alıw hám korrupciyaǵa qarsı gúresiw haqqında keńnen túsinik berip ótildi. Házirgi kúnde student jaslar arasında hár qıylı unamsız jaǵdaylar tásirine túsip qalmawı, studentlerdiń oqıw ornında kiyiniw mádeniyatı, ásirese studentlerdiń sabaqqa ruqsat etilmegen kiyimlerde kelmewi ushın túsinik jumısları alıp barıldı.
Bunnan soń QMU Korrupciyaǵa qarsı gúresiw komplaens qadaǵalaw bólimi bas qánigesi B.Akmuratov sózge shıǵıp, komplaens qadaǵalaw bólimi haqqında, búgingi kúnde bólim tárepinen ámelge asırılıp atırılǵan jumıslar hám ilajlar haqqında tanıstırıp ótti. Sonday-aq bul másele boyınsha sózge shıqqanlar korrupciyaǵa qarsı gúresiw ilajları, olardıń nátiyjeleri boyınsha joqarı oqıw orınları xızmetkerleri professor oqıtıwshılar hám student-jaslarǵa bunday unamsız jaǵdaylarǵa aralasıp qalmawı haqqında aytıp ótti.
Ótkerilgen ilajlarda fakultet professor-oqıtıwshılar sózge shıǵıp, búgingi kúnde korrupciyaǵa qarsı gúresiw aktual másele ekenligin, bunday unamsız jaǵdaylardan awlaq júriw kerek ekenligin, JOOlarında studentlerdiń kiyiniw mádeniyatı, jaslardıń bilip bilmesten hár qıylı ortalıqlarǵa qosılıp qalıp atırǵanı, óz waqıtında bunday jaǵdaylardı anıqlap, olardıń aldın alıw ilajların kóriw kerek ekenligi haqqında aytıp ótti. Sonday-aq ilaj qatnasıwshıları tiyisli taraw qánigelerine ózleriniń qızıqtırǵan sorawların berip, juwaplar aldı.
