Búgin Berdaq atındaǵı Qaraqalpaq mámleketlik universiteti Arxitektura fakultetinde 2023/2024 oqıw jılında 5340100-Arxitektura (túrleri boyınsha) bakalavr tálim baǵdarı pitkeriwshi kurs studentleriniń pitkeriw qánigelik jumısların qorǵaw bolıp ótpekte.

Qorǵaw jumısına Mámleketlik Attestaciya komissiyası baslıǵı  «ARXTORUS» jeke dóretiwshilik ustaxanası direktorı M.Tóreniyazov, komissiyası baslıǵı orınbasarı Arxitektura fakulteti dekanı, B.Kidirbaev, komissiyası aǵzaları  Arxitektura kafedrası baslıǵı X.Alyaminov, «Kardess» JSHJ direktorı I.Abekeev, “Oʻzshaharsozlik LITI” DUK QR filialı baslıǵı B.Baltaniyazov, «ARXENERGO PROEKT» ashıq akciyadarlıq jámiyetiniń arxitektorı B.Saparniyazov, Arxitektura kafedrası úlken oqıtıwshısı A.Abekeeva, komissiya xatkerleri B.Saatov hám T.Maxmutovlar qatnastı.

Dáslep miymanlar Orınbay Tóreniyazov atındaǵı innovciyalıq muzeyinde boldı. Ol jerde Orınbay Tóreniyazovqa tiyisli buyımlar kitaplar, foto suwretler, sonday-aq, óz qolı menen dóretken arxitekturalıq obyektlerdiń sızılmaların, máketlerin tamashaladı. Sonday-aq, búgingi pikeriwshi studentlerge bul insannıń mámleketimizdiń kórkeyiwine, paytaxtımız Nókis qalası hám rayonlarımızda xalqımızdıń iygiligine xızmet etetuǵın bir-birinen shıraylı imaratlardıń boy tiklewine, bir neshe arxitektorlardıń jetilisip shıǵıwına salmaqlı úles qosqan insan bolǵanlıǵı haqqında aytıp ótti.

Bunnan soń, 5340100-Arxitektura (túrleri boyınsha) bakalavr tálim baǵdarı pitkeriwshi kurs studentleriniń pitkeriw qánigelik jumısların qorǵawı baslandı. Onda pitkeriwshiler qánigelik jumısın qorǵaw barısında qánigelik jumıs boyınsha ámelge asırılǵan jumısları, diplom jumısınıń mazmunı, maqseti, jańalıǵı, tájiriybe sınaw nátiyjeleri, paydalanılǵan ádebiyatlar haqqında tolıq maǵlıwmatlar berdi. Pitkeriw qánigelik jumıslar boyınsha qatnasıwshılar tárepinen sorawlar berilip,  tiyisli bahalar menen bahalandı.

Qaraqalpaq filologiyası hám jurnalistika fakultetı 2-kurs studenti
Abdikadir Nurlıbaev