Búgin Berdaq atındaǵı Qaraqalpaq mámleketlik universitetinde «Álem nurǵa tolsın seniń menen, Nawrız!» súreni astında «Nawrız – doslıq, tatıwlıq hám mehir muhabbat bayramı» atamasında ilaj bolıp ótti. Ilaj sheńberinde barlıq fakultetler arasında hár túrli kórgizbeler menen tańlawlar ótkerilip,  jeńimpazlar tómendegi nominaciyalar boyınsha sıylıqlandı. Sıylıqlaw máresimine universitettiń jaslar máseleleri hám ruwxıy-aǵartıwshılıq isleri boyınsha prorektor S.Alawatdinov sózge shıǵıp, barlıq ilaj qatnasıwshıların bayram menen qutlıqlap, jeńimpazlarǵa universitet rektoratı tárepinen tayarlanǵan estelik sawǵaların tapsırdı.

   

-«Milliy taǵam túrleri menen qatnasqan eń aǵla fakultet» nominaciyası;
-«Eń jaqsı milliy kiyimleri menen qatnasqan fakultet» nominaciyası;
«Eń jaqsı kórgizbeli plakatlar menen bezelgen fakultet» nominaciyası;

-«Eń jaqsı súwretlew óneri shıǵarması» nominaciyası;
-«Shıraylı gúller menen bezetilgen eń jaqsı sebet» nominaciyası;
-«Milliy naǵıslar sáwlelengen kiyimler menen qatnasqan student» nominaciyası boyınsha er jigitler; 
-«Milliy naǵıslar sáwlelengen kiyimler menen qatnasqan student» nominaciyası boyınsha hayal-qızlar;
-«Milliy naǵıslar sáwlelengen kiyimler menen qatnasqan oqıtıwshı» nominaciyası;
«Eń kórkem hám bayram menen bezelgen láylek ushırıw» nominaciyası;
«Eń jaqsı bezelgen qara úy» nominaciyası;
«Milliylikti úgit násiyatlawshı úrip-ádetler menen eń jaqsı qatnasqan fakultet» nominaciyası;
«Milliy ónermentshilikti jaqsı jolǵa qoyǵan fakultet» nominaciyası;
«Hayal-qızlar arasında milliy kiyimlerdi hám salt-dástúrlerdi úgit-násiyatlawshı oqıtıwshı» nominaciyası;
«Rektor kubogı» ushın ótkerilgen Zakovat intellektual tańlawda jeńimpaz komandalar sıylıqlandı.