Berdaq atındaǵı Qaraqalpaq mámleketlik universiteti menen sırt el universitetleri arasında dúzilgen birge islesiw shártnaması tiykarında usı jıldıń 25-mart sánesinen baslap Yuridika fakulteti yurisprudenciya bakalavr tálim baǵdarı 4-kurs studentlerine Kriminilistika páninen Shakenov Ardaq Ordash ulı A.Buketov atındaǵı Qaraǵandı mámleketlik universitetinen hám yurisprudenciya bakalavr tálim baǵdarı 2-kurs studentlerine Puqaralıq huqıqı páninen Vartanyan Avak Mixaylovich Ya.Kupala atındaǵı Grodno mámleketlik universitetinen lekciya sabaqların ótiwge mirat etildi.

Shaqırılǵan professor-oqıtıwshılar menen universitetimiz rektorı akademik A.Reymov ushırasıp, eki tárepleme birge islesiwlerdi elede bekkemlew zárúrligi, universitetler professor-oqıtıwshılarınıń keleshekte ilimiy jumıslarda birge islesiwlerin hám de tájiriybe almasıwların ámelge asırıw kerekligi haqqında aytıp ótildi. Kelgen professor-oqıtıwshılar sabaq ótiw barısında ózleriniń bay tájiriybesin student-jaslarǵa úyretip, eki mámleket arasındaǵı nızamshılıqlardı salıstırmalı túrde analizlep bilim bermekte.