Búgin 8-aprel kúni Berdaq atındaǵı Qaraqalpaq mámleketlik universitetinde Qaraqalpaqstan Respublikası Konstituciyası qabıl etilgenligine 31 jıl tolıwı múnásibeti menen paytaxtımızdaǵı barlıq joqarı oqıw orınlarınıń kúndizgi bakalavriat tálim baǵdarlarında oqıp atırǵan studentler arasında Qaraqalpaqstan Respublikası Konstituciyası qaǵıydaları hám principlerin úyreniw boyınsha olimpiada bolıp ótpekte.

Dáslep, olimpiadanı universitettiń ilimiy isler hám innovaciyalar boyınsha prorektorı I.Turdımambetov ashıp berdi hám olimpiada qatnasıwshıların universitet rektoratı atınan qızǵın qutlıqlap, áwmetler tiledi. Olimpiadanı ótkeriwden maqset student-jaslarımızdıń Qaraqalpaqstan Respublikası Konstituciyası, onıń tiykarǵı principleri hám qaǵıydaları boyınsha bilimlerin jetilistiriw, turmısta múnásip orınların tabıwında konstituciyamızdıń áhmiyeti hám rolin túsinip alıwına múnásip sharayatlar jaratıw bolıp tabıladı.