Ózbekstan Respublikası Prezidentiniń 2017-jıl 27-iyuldaǵı «Joqarı maǵlıwmatlı qánigeler tayarlaw sapasın asırıwda ekonomika tarawları hám tarmaqlarınıń qatnasın jánede keńeytiw is-ilajları haqqında»ǵı PQ-3151-sanlı qararında belgilengen wazıypalardıń orınlanıwın támiyinlew maqsetinde Berdaq atındaǵı Qaraqalpaq mámleketlik universiteti «Tariyx» fakultetinde «Tariyx», «Arxeologiya», «Filosofiya» hám «Socilogiya» qánigeligi pitkeriwshi kurs studentleri menen jumıs beriwshiler arasında ushırasıw bolıp ótti. Ushırasıwdı «Tariyx» fakulteti dekanı S.Sulaymanov ashıp berdi hám basqarıp bardı. Ushırasıwǵa kafedra baslıqları sonday-aq, I.V.Savickiy atındaǵı mámleketlik kórkem-óner muzeyi direktorı T.K.Mkrtichev, Qaraqalpaqstan Respublikası Mádeniy miyras basqarması qánigesi P.Ótenov, Qaraqalpaqstan Respublikası Turizm basqarması tálim boyınsha qánigesi J.Artikov, Qaraqalpaqstan Respublikası Oraylıq mámleketlik arxivi qánigesi S.Seytmuratovlar qatnastı. Ushırasıw qatnasıwshıları mákeme-kárxanalar hám shólkemlerdegi lawazımlar, shtat birlikleri haqqında, studentlerdiń ámeliyat ótewi sonday-aq, social-gumanitar tarawlar hám tarmaqlarına innovaciyalardı engiziw máseleleri boyınsha student jaslarǵa maǵlıwmat berip ótti. Studentler qızıqtırǵan sorawlarına juwaplar aldı.