Búgin 25-aprel kúni Berdaq atındaǵı Qaraqalpaq mámleketlik universitetinde Ózbekstan Respublikası ilimler akademiyası, akademikleri, Turabdjanov Sadritdin Maxamatdinovich hám Reymov Axmed Mambetkarimovich qatnasında “Akademik hám jaslar” ushırasıwı bolıp ótti. Onda Ximiya-texnologiya hám Sanaat texnologiya fakultetleri professor-oqıtıwshıları student-jaslar qatnastı.
Ushırasıwdı universitet rektorı, akademik A.Reymov alıp bardı hám ushırasıw qatnasıwshılarına akademik S.Turabdjanovtıń ómir jolı, ilimiy-izertlew jumısları, Ximiya-texnologiyanıń rawajlandırıw baǵdarında qolǵa kirgizip atırǵan nátiyjeleri haqqında aytıp ótti. Bunnan soń, akademik S.Turabdjanov sózge shıǵıp, elimizde bilimlendiriw sistemasında, ásirese Ximiya-texnologiya tarawındaǵı ilimiy izertlew jumıslar hám ilim jolınıń mashaqatları, tabısları haqqında ushırasıw qatnasıwshılarına maǵlıwmatlar berdi.
Ushırasıwda akademikler tárepinen berilgen maǵlıwmatlar, qılınǵan bayanatlar qatnasıwshılarda ásirese student-jaslarda úlken tásir qaldırıp, ushırasıw soraw-juwaplar menen dawam etti. Ushırasıw dawamında akademik S.Turabdjanov universitettiń Ximiya-texnologiya fakultetindegi laboratoriya imkaniyatları menen tanıstı.